John Mayall
And
The Bluesbreakers (UK/US)
Det
er ein av dei verkleg store bluesartistane i verda som i år gjestar Skånevik
Bluesfestival. John Mayall
And The Bluesbreakers kjem frå ein omfattande turne i USA og Europa til
Skånevik i juli. Mayall bli
rekna som ein levande legende – hærføraren for den engelske
bluesinvasjonen som rulla inn over Europa på 60/70-talet og som framleis
kan trollbinda eit stendig større bluesinteressert publikum.
Mange kjende rock – og
bluesartistar har blitt inspirerte av Mayall.
Han oppdaga og lærte opp Eric Clapton, Peter Green, Mick
Fleetwood og Mick Taylor for å nemna nokon.
Mange framtredande musikarar har vore med i The Bluesbreakers.
John Mayall blei fødd i
Manchester i 1933 og han var tidleg opptatt av jazz og blues. Og etter
deltaking i Koreakrigen starta han gruppa The Powerhouse Four i 1956 og
etter det The Blues Syndicate. Mayall
trakterer både keyboard, munnspel og gitar og han er ein dyktig vokalist,
komponist og tekstskrivar. Det
var først etter at Alexis Korner oppdaga han i 1962 og fikk han til å
flytta til London, at karrieren starta på alvor.
John Mayall starta no den profesjonelle karrieren under namnet John
Mayall’s Bluesbreakers. Etter
ein del utskifting av musikarar møtte han Eric Clapton som gikk inn i
gruppa. Dette resulterte i
den første store hit albumet for gruppa.
Sjølv om Clapton slutta etter nokre år for å danna Cream
fortsette suksessen til John Mayall og gruppa hans. John Mayall fikk etter
kvart staus som ein stor, hardtslåande tolkar av Chicagobluesen
samstundes som han oppdaga og vidareutvikla nye bluestalent.
I 1968 flytta John Mayall
til California og han begynte å gi ut plater med forskjellige med
forskjellige musikarar. Populariten
blomstra i USA og den akustiske plata The Turning Point med songen Room To
Move blei ein rockeklassikar. Gjennom
70-talet spelta han samen med mange store amerikanske jazz/rock/bluese-artistar
og deltok saman med John Lee Hooker og T-Bone Walker på deira første
Englandsturne.
På slutten av 70 – talet
var interessen for blues nede i ein bølgedal.
Dette påvirka sjølvsagt også interessa for John Mayall og han måtte
kjempa for karrieren sin. Samstundes
førte han ein kamp på det personlege plan.
Etter kvart snudde alle
vindane i ein positiv retning for John Mayall.
Han vant over dei personlege problema og bluesinteressa blant
publikum auka. I 1983 fikk
han danna ein ny og stabil utgåve av The Bluesbreakers.
Frametter 80 – og 90 talet har John Mayall And The Bluesbreakers
haldt mange konsertar med stor suksess rundt om i verda.
Som døme kan ein nemna at konsertane med Coco Montya og Walter
Trout som ein del av
Bluesbeakers ofte tok heilt av . Samstundes har han gitt ut nye
plater ( 43 i alt) og på den siste Padlock On The Blues i 1999 hyller han
den tidlause bluesen som inspirerte han som ung.
Med seg på plata har han sin gode venn John Lee Hooker.
I 1994 var han
Grammy-nominert for albumet Wake Up Call.
I mai i år kjem han ut med ein ny CD (Along
For The Ride) der mange av dei kjende ”elevane” hans deltek
I dag er John Mayall And
The Bluesbreakers eit svært ettertrakta band med denne besetningen:
Joe Yuele - trommer, Buddy Whittinton - gitar, Hank van Sickle - bass og Tom Canning - keyboards.
Sjølv om Mayall er 67 år viser han ingen teikn på at han vil ta
det roleg. Han har store
planar for å halda bluesen levande i mange år enno.
Vi vil avslutta med orda til Eric Clapton: John
Mayall has actually run an incredibly great school for musicians.
|
