Velkommen til Årets Rockeshow med
Journey (US) og Foreigner (US/UK)
Torsdag
den 30. juni vil du få ein fantastisk oppleving i det største
festivalteltet i Noreg. To av verdas mest legendariske og beste
rockeband kjem til Skånevik Bluesfestival. Journey har seld
meir enn 80 millionar album og Foreigner berre 10 mill.
mindre. Altså til saman ca. 150 millionar album. For første
gong i historia opptrer dei i Noreg på same scenen. Eit par veker
tidlegare gjer dei det for første gong i England, på legendariske
Wembley Arena. Hits
og slagere vil fylle Teltet i Skånevik med Rock´n Roll og gi deg ein
unik Happening!
Legendene
i Journey
med dei "gamle" hitane «Don't Stop Believin'», «Wheel in the
Sky», «Separate Ways»( Worlds Apart ), «Any
Way You Want It»
og «Open
Arms»
vil garantert setja fyr i teltet i Skånevik denne
sommarkvelden. Meir enn ein million fans har sidan 2008 vore
med på konsertar for også å høyra bandet sin nye hit «Never
Walk Away» og «Any Way You Want It».
Bandet har hatt diverse utskiftingar og pausar siden
starten i 1973 og består i dag av Ross Valory, Neal Schon, Arnel
Pineda, Jonathan Cain og
Deen
Castronovo. Dei to første har vore med i bandet sidan
starten. Dei har gitt ut heile 21 album. «Revelation»
, i 2008, deira 11. platinumalbum fikk strålande omtale m. a. i New
York Times. I år kjem dei med eit nytt studioalbum. Besøket på Skånevik
Bluesfestival er ein del av deira store verdsturne og vi kan lova ein
fantastisk kavalkade med rockeklassikarar og nyare stoff.
Meir
enn 30 år etter at Foreigner vart danna er gruppa svært
populær hos fleire generasjonar. Sjølv om
"I Want to Know What Love Is" er ein av pop-og
rockhistoriens største hits og deira album er selt i meir enn 70
mill., lener dei seg ikkje tilbake og lever berre på nostalgi.
Deira siste album ”Can’t slow down” er nr. 9 i rekkja
og har
vorte ein stor suksess. Den inneheld ei flott blanding av rock
og pop. Velkommen til å oppleva dei under Skånevik
Bluesfestival!
